فرمان الہی
نماز کے اوقات
کراچی(جنگ نیوز، مانیٹرنگ ڈیسک)پاکستان کی جانب سے جذبہ خیر سگالی کے تحت رہا کیے گئے بھارتی پائلٹ ابھی نندن نے کہا ہے کہ پاکستان آرمی انتہائی پروفیشنل ہے، مجھے ان میں امن نظر آیا، میں نے پاک فوج کے ساتھ وقت گزارا ہے میں بہت متاثر ہوں، بھارتی میڈیا ہمیشہ بات بڑھا چڑھا کر کہتا ہے ، چھوٹی سی چیز کو اتنی آگ ،اتنی مرچ لگا کر بیان کیا جاتا ہے کہ لوگ بہکاوے میں آجاتے ہیں، وطن واپسی پر خوش اور میں خیریت سے ہوں،دوسری جانب بھارتی فضائیہ کے نائب ایئر چیف آر جی کے کپور نے کہا ہےکہ ابھی نندن کی خیریت سے واپسی پر خوشی ہوئی، ابھی نندن کا مکمل چیک اپ کیا جائے گا، جہاز سے چھلانگ لگانے کے دوران کسی بھی انسان کے جسم میںنقصانات ہونے کا اندیشہ رہتا ہے۔تفصیلات کے مطابق بھارتی پائلٹ ابھی نندن کا اپنی رہائی سے قبل ایک وڈیو بیان میں کہناتھا کہ میرا نام ونگ کمانڈر ابھی نندن ہے، میں بھارتی ایئرفورس میں پائلٹ ہوں، میں ٹارگٹ ڈھونڈنے کی کوشش کررہا تھاجب پاک فضائیہ نے میرے جہاز کومار گرایا،جس پر مجھے اپنا جہاز چھوڑنا پڑا ، اس کے بعد جب میرا پیراشوٹ کھلا اور میں نیچے گرا تو میرے پاس پستول تھی، لوگ بہت زیادہ تھے، میرے پاس بچاؤ کا صرف ایک ہی راستہ تھا، میں نے اپنی پستول گرادی اور بھاگنے کی کوشش کی۔
