فیس بک، واٹس ایپ اور انسٹا گرام کی سروس متاثر

14 مارچ ، 2019

گلیڈی ایٹرز کے اسپنر فواد چہرے پر بال لگنے سے زخمی

پاکستان سمیت دنیا کے مختلف ملکوں میں فیس بُک واٹس ایپ اور انسٹا گرام کی سروس اچانک بند ہوگئی۔

سوشل میڈیا پر واٹس ایپ کے صارفین کو کمپیوٹر سرورز ڈاؤن ہوجانے کے سبب رات دیر سے پیغامات بھیجنے میں مشکلات کا سامنا کرنا پڑا۔

کمپیوٹر سرورز ڈاؤن ہوجانے کی وجہ سے صارفین کو نہ صرف پیغامات بلکہ تصاویر اور ویڈیوز بھیجنے میں شدید مشکلات پیش آئیں۔

دنیا بھر میں مختلف سروسز کی نگرانی کرنے والے آزاد ادارے ڈائون ڈیٹیکٹر کو مختلف ملکوں سے اس متعلق ایک ہزار سے زائد شکایات موصول ہوئیں۔

واٹس ایپ کی مالک کمپنی فیس بک کے ترجمان کا کہنا تھا کہ ہنگامی بنیادوں پر مسائل حل کرنے کی کوشش کی جا رہی ہے۔

رپورٹ میں بتایا گیا ہے کہ واٹس ایپ بند ہونے کی سب سے زیادہ شکایات امریکا، برطانیہ اور یورپ سے موصول ہوئیں تاہم دنیا کے دیگر ملکوں میں بھی سرورز نے کام چھوڑ دیا۔

تازہ ترین