علی ظفر کی میشا کے خلاف فیصلہ جلد سنانے کی درخواست

معروف گلوکار علی ظفر نے میشا شفیع کے خلاف لاہور کی عدالت میں کیس کا فیصلہ جلد سنانے کی درخواست دائر کردی ہے۔

علی ظفر نے دائر درخواست میں عدالت سے استد عا کی ہے کہ گلوکارہ میشا شفیع کے خلاف ان کے کیس کا فیصلہ ایک ماہ میں کر دیا جائے۔

ہتک عزت کا مقدمہ، میشا شفیع نے علی ظفر کو جواب بھجوادیا

گلوکارہ اورماڈل میشا شفیع نے گلوکار اداکار علی...

پٹیشن علی ظفر نے اپنے وکیل رانا انتظار کے ذریعے دائر کی ہے جس میں عدالت سے استدعا کی گئی ہے کہ میشا شفیع اور ان کے وکلا کو عدالت کا مزید وقت ضائع کرنے کی اجازت نہ دی جائے۔

گلوکار کی طرف سے دائر کی گئی پٹیشن میں کہا گیا ہے کہ فریقِ مخالف سچائی چھپانے کے لیے تاخیری حربے استعمال کر رہا ہے۔

علی ظفر کا میشا شفیع پر کیس

پاکستانی گلوکار علی ظفر نے میشا شفیع کے خلاف سول...

علی ظفر کی درخواست پر عدالت نے سماعت کے لیے انیس مارچ کی تاریخ مقرر کر دی ہے۔