آپ آف لائن ہیں
جنگ ای پیپر
بدھ12؍رجب المرجب 1440ھ20؍مارچ 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آسٹریلوی دہشت گرد کے لندن کے میئر صادق خان پر حملے کی دھمکی سامنے آنے کے بعد برطانوی حکام نے ملزم  کے حوالے سے تحقیقات شروع کردی ہیں۔

حکام کے مطابق برطانوی خفیہ ایجنسی ایم آئی فائیو ملزم کے برطانوی انتہاپسندوں سے تعلق کی تحقیق کررہی ہے۔

کیوی میڈیا کے مطابق مساجد پر حملہ کرنے والےدہشت گرد نے اپنے منشور میں لندن کے میئر صادق خان پر حملے کی دھمکی دی اور برطانیہ میں دہشت گرد حملوں کی بات کی ہے۔

2 ماہ کے دورہ یورپ کے دوران آسٹریلوی دہشت گرد برطانیہ بھی آیا  اور 2017ء میں 15روز تک برطانیہ میں قیام کیا تھا۔

دوسری جانب فرانس کی خفیہ ایجنسیوں نےبھی آسٹریلوی دہشت گرد کے فرانسیسی انتہاپسندوں سے تعلق کی تحقیقات شروع کردی ہے۔

دہشت گرد نے صدارتی انتخابات کےموقع پر فرانس کا بھی دورہ کیا تھا، جب انتہائی دائیں بازو کی لیڈر ماغی لاپن کے جیتنے کے امکانات تھے۔

کیوی حکام کا کہنا ہے کہ تحقیقات کےسلسلےمیں وہ کئی دیگر ممالک سے بھی رابطے میں ہیں۔

Chatاپنی رائے سے آگاہ کریں