آپ آف لائن ہیں
جنگ ای پیپر
بدھ 22؍ شوال المکرم 1440ھ 26؍جون 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مسلم لیگ ن کے رہنما عابد شیر علی نے دعویٰ کیا ہے کہ وزیر اعظم عمران خان نے شوکت خانم ٹرسٹ کے نیچے 3 بے نامی کمپنیاں بنائیں۔

عابد شیر علی نے کہا کہ کمپنیوں کے سربراہ عمران خان ہیں، تینوں کمپنیوں کا ایک ہی ٹیلی فون نمبر ہے اور بے نامی کمپنیاں عمران خان کینسر اور ایس کے ایم کینسر اپیل کے نام سے بنائی گئیں۔

مسلم لیگ ن کے رہنما کا کہنا ہے کہ عمران خان کینسر اپیل کے بینک اکاؤنٹ میں ڈیڑھ ارب روپے آئے جس میں سے 75 کروڑ روپے انہوں نے اپنے پاس رکھے اور 75 کروڑ روپے اسٹاک ایکس چینج اور کیریبیئن آف شور کمپنیوں میں انویسٹ کیے۔

ان کا کہنا تھا کہ 2012 میں عمران خان کے پاس 75 کروڑ روپے آئے جن میں سے 37 کروڑ پاکستان آئے، باقی پیسے بے نامی اکاؤنٹس میں جمع کیے گئے۔

انہوں نے یہ بھی دعویٰ کیا ہے کہ عمران خان کے امریکا میں 4، لندن میں 3 اور یو اے ای میں 12 لگژری اپارٹمنٹ ہیں۔

رہنما مسلم لیگ ن نے کہا کہ علیمہ خان 60 ملین پاؤنڈز کی دعوے دار ہیں جسے ریگولرائز کیا گیا، چیلنج کرتا ہوں کہ عمران خان اور علیمہ خان آئیں، مناظرہ کریں، الیکشن فنڈز کی مد میں جمع کیے گئے اربوں روپے کی تفصیل بھی میرے پاس ہے، جبکہ اپنے موقف کا ہر فورم پر دفاع کروں گا۔

Chatاپنی رائے سے آگاہ کریں