فرمان الہی
نماز کے اوقات
رسالپور(صباح نیوز) پی اے ایف اکیڈمی رسالپور میں پاک فضائیہ کی پاسنگ آئوٹ پریڈ منعقد ہوئی۔ تقریب کے مہمان خصوصی ترکی فضائیہ کے سربراہ حسن کیچیکاکیاز تھے، ترک جنرل حسن کیچیکاکیاز نے پاس آئوٹ ہونے والے کیڈٹس کو فلائنگ بیجز لگائے اور اعزازات سے بھی نوازا۔تقریب میں پاک فضائیہ کے ریٹائرڈ اور حاضر افسران سمیت کیڈٹس کے والدین شریک ہوئے، جمعرات کو اصغر خان اکیڈمی رسالپور میں پاک فضائیہ کی141 ویں جی ڈی پی کورس کی پاسنگ آئوٹ پریڈ ہوئی، ترک فضائیہ کے کمانڈر جنرل حسن کیچیکاکیاز تقریب کے مہمان خصوصی تھے۔
پاک فضائیہ کے ریٹائرڈ اور حاضر افسران سمیت کیڈٹس کے والدین بھی تقریب میں شریک ہوئے۔ شاہینوں نے فلائی پاسٹ کا شاندار مظاہرہ کرکے داد سمیٹی، ہوا بازوں نے پاک فضائوں کے نیلے آسمان پر فنی مہارت دکھائی۔ اس سے قبل شاہینوں کی141 ویں پاسنگ آئوٹ پریڈ ہوئی۔ چیف آف ایئر سٹاف مجاہد انور خان نے مہمان خصوصی کا استقبال کیا۔ ترک فضائیہ کے کمانڈر جنرل حسن کیچیکاکیاز نے پریڈ کا معائنہ کیا۔ پاک فضائیہ کے بینڈ نے لہو گرما دینے والی دھنیں فضا میں بکھیریں۔ کیڈٹس نے لہو گرما دینے والے فٹ ورک کا مظاہرہ کیا۔ کیڈٹس نے مارچ پاسٹ کیا اور مہمان خصوصی کو سلامی دی۔ اس موقع پر دونوں ملکوں کے قومی ترانے بجائے گئے۔
