آپ آف لائن ہیں
جنگ ای پیپر
جمعرات16؍ ربیع الاوّل 1441ھ 14؍نومبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

بھارتی چیف جسٹس پر خاتون نے جنسی ہراسانی کا الزام لگا دیا

بھارتی سپریم کورٹ کی سابق خاتون ملازم نے بھارتی چیف جسٹس پر انہیں جنسی طور پر ہراساں کرنے کا الزام عائد کر دیا۔

خاتون کا الزام ہے کہ چیف جسٹس رانجن گوگوئی نے اپنے گھر پر انہیں جنسی ہراساں کیا، واقعے کے 2 ماہ بعد اُسے نوکری سے ہٹا دیا گیا۔

کیس کی سماعت کے دوران بھارتی چیف جسٹس نے سابق اسٹاف ممبر کے الزامات کی تردید کر دی۔

انہوں نے الزامات کو ناقابل یقین قرار دیتے ہوئے کہا کہ عدلیہ کی آزادی کو سنگین خطرہ ہے، یہ الزامات عدلیہ کو غیر مستحکم کرنے کی بڑی سازش ہیں۔

35 سالہ سابق خاتون جونیئر کورٹ اسسٹنٹ نے الزام عائد کیا ہے کہ جسٹس گوگوئی نے اکتوبر 2018 ءمیں اپنی رہائش گاہ سے منسلک دفتر میں انہیں نامناسب طریقے سے چھونے اور زبردستی گلے لگانے کی کوشش کی۔

انہوں نے مزید کہا ہے کہ بھارتی چیف جسٹس مزاحمت کے باوجود اُن سے جسمانی تعلق قائم کرنے پر اصرار کرتے رہے، جسے ٹھکرانے پر نہ صرف انہیں نوکری سے نکال دیا گیا بلکہ اُن کے خاندان کو دھمکانے کا سلسلہ بھی جاری رہا۔

بین الاقوامی خبریں سے مزید