وکلاء پر تشدد اور گرفتاریاں، لاہور ہائیکورٹ بار کا آج ہڑتال کا اعلان

لاہور میں وکلاء پر پولیس تشدد اور گرفتاریوں کے خلاف صدر لاہور ہائی کورٹ بار نے آج بھی ہڑتال کا اعلان کیا ہے۔

وکلاء کے اجلاس سے خطاب میں انہوں نے کہا کہ وکلاء کے ساتھ جو ہوا، ہم کسی کو معاف نہیں کریں گے۔

واضح رہے کہ 2 روز قبل وکلاء کے خلاف مقدمات پر لاہور بار ایسوسی ایشن کی جانب سے ریلی نکالی گئی جس پر وکلاء کا پولیس سے تصادم ہوا۔

پولیس کی جانب سے وکلاء پر لاٹھی چارج کیا گیا اور احتجاج کرنے والے 70 سے زائد وکلاء کو گرفتار کیا، جنہیں بعد ازاں چھوڑ دیا گیا تھا۔