ممکنہ موسم کی خرابی: ماہی گیروں کی شکار پر روانگی روک دی گئی

پاکستان اور اطراف میں ممکنہ موسم کی خرابی کے خدشات کے پیش نظر کراچی سے ماہی گیروں کی شکار پر روانگی روک دی گئی ہے اور موسم ٹھیک ہونے کی آئندہ رپورٹ جاری ہونے تک کراچی فشری اور کورنگی فش ہاربر سے ماہی گیروں کی لانچوں کو پورٹ کلئیرنگ نہیں دی جارہی۔

فشری کے سیکورٹی انچارج ناصر بونیری کے مطابق پاکستان نیوی کے متعلقہ شعبہ کی جانب سے وارننگ جاری کی گئی ہے جس پر فشرمین کوآپریٹو سوسائٹی کی جانب سے کھلے سمندر میں موجود ماہی گیروں کو وارننگ جاری کردی گئی ہے اور شکار پر موجود ماہی گیروں کو اپنی لانچیں کنارے پر لانے کی ہدایات جاری کردی گئی ہیں۔

فشری ذرائع کے مابق بلوچستان میں بھی ماہی گیروں کے لئے ایسی ہی وارننگ کی اطلاعات ہیں۔