آپ آف لائن ہیں
جنگ ای پیپر
منگل14؍شوال المکرم 1440ھ 18؍جون 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سربراہ تنظیم بحالی کمیٹی ڈاکٹر فاروق ستارکا کہنا ہے کہ وزیر اعظم عمران خان نے جنوبی سندھ صوبہ نہ بنانے کا شہریوں کو ٹکا سا جواب دیا ہے۔

کراچی کی انسداد دہشت گردی عدالت میں پیشی کے موقع پر میڈیا سے گفتگو کرتے ہوئے ڈاکٹر فاروق ستار کا کہنا تھا کہ عمران خان کا جنوبی صوبہ سندھ نہ بنانے کا ٹکا سا جواب ایم کیو ایم پاکستان کو منظور ہو سکتا ہے لیکن ہم اس حوالے سے عمران خان سے ایک ملاقات کرنا چاہتے ہیں۔

ایم کیو ایم جلد سندھ اسمبلی میں جنوبی صوبے سندھ کے قیام کیلئے بل پیش کریگی

کراچی(اسٹاف رپورٹر) ایم کیو ایم رابطہ کمیٹی اور رکن...

انہوں نے کہا کہ سندھ میں دو صوبے اور مزید انتظامی یونٹ بننے چاہئیں۔

دوسری جانب ایم کیو ایم رابطہ کمیٹی اور رکن قومی اسمبلی سید امین الحق نے کہا ہے کہ ایم کیو ایم پاکستان جلد سندھ اسمبلی میں جنوبی صوبے سندھ کے قیام کے لئے بل پیش کرے گی۔

وزیر اعظم کے بیان پر رہنما ایم کیو ایم فیصل سبزواری نے کہا کہ عمران خان صاحب کی اپنی رائے ہے ہماری اپنی سوچ ہے، عمران خان خود اس بات کا ذکر کرچکے ہیں کہ کراچی کو جو فنڈ ملے وہ درست استعمال نہیں ہوئے،اس لئے کراچی والوں کا مطالبہ جائز ہے۔

واضح رہے کہ گزشتہ روز کراچی میں ایک تقریب سے خطاب کرتے ہوئے وزیر اعظم عمران خان نے کہا تھا کہ حکومت سندھ کی ترقی کیلئے بھرپور تعاون کریگی۔

ان کا کہنا تھا کہ ہم جو نیا بلدیاتی نظام لا رہے ہیں اس کے بعد سندھ میں کسی تقسیم کی ضرورت نہیں رہے گی اور تحریک انصاف سندھ میں ایک اور صوبہ بنانے کے خلاف ہے۔

Chatاپنی رائے سے آگاہ کریں