فرمان الہی
نماز کے اوقات
ماسکو میں افغان سیاستدانوں سے ملاقات میں طالبان نے غیر ملکی افواج کے موجود ہونے تک جنگ بندی کا مطالبہ ماننے سے انکار کر دیاہے۔
افغان میڈیا کے مطابق ماسکو میں دوسرے روز افغان سیاستدانوں اور طالبان کا بند کمرہ میں اجلاس ہوا، افغان رہنماؤں کی جانب سے جنگ بندی کا مطالبہ مسترد کرنے پر ترجمان طالبان وفد سہیل شاہین کا کہنا تھا کہ افغانستان پر قابض غیر ملکی افواج کے ہوتے ہوئے جنگ بندی نہیں ہوسکتی۔
طالبان رہنما شیر محمد ستانکزئی کا کہنا تھا کہ امریکا سے مذاکرات کے اگلے دور میں غیر ملکی افواج کے انخلا پر معاہدہ ممکن ہے۔ امریکا طالبان مذاکرات کا ساتواں دور دوحاقطر میں اگلے ماہ متوقع ہے۔
ماسکو میں طالبان افغان رہنماؤں کا اجلاس روس افغان سفارتی تعلقات کی صد سالہ تقریب کے موقع پر ہوا۔
واضح رہے کہ افغان سیاستدانوں کے گروپ کی قیادت سابق افغان صدر حامد کرزئی کررہے ہیں، جبکہ چودہ رکنی طالبان ٹیم کی قیادت اس گروپ کے شریک بانی عبدالغنی برادر نے کی۔اس ملاقات کے دوران افغانستان میں بحالی امن پر غور کیا گیا، تاہم یہ ملاقات پس منظر میں کی گئی۔
