• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

’پاک بحریہ چیلنجز سے نمٹنے کیلئے ہمہ وقت تیار ہے‘

تازہ ترین
قومی خبریں
11 جون ، 2019


پاک بحریہ کے سربراہ ایڈمرل ظفر محمود عباسی نے نیشنل ڈیفنس یونیورسٹی اسلام آباد میں کورس کے شرکاءاور فیکلٹی ممبران سے خطاب کیا۔

ترجمان پاک بحریہ کے مطابق نیول چیف نے پاکستان نیوی سے متعلق اپنے وژن اور پاکستان نیوی کے جاری منصوبوں پر تفصیل سے روشنی ڈالی۔

’پاک بحریہ چیلنجز سے نمٹنے کیلئے ہمہ وقت تیار ہے‘

نیول چیف نے کہا کہ ہم پاک بحریہ کو چاروں جہتوں میں ایک نا قابلِ تسخیر فورس بنانے کے لیے کام کر رہے ہیں۔

ایڈمرل ظفر محمود عباسی نے کہا کہ پاک بحریہ پاکستان کے میری ٹائم سیکیورٹی چیلنجز سے نمٹنے کے لیے ہمہ وقت تیار ہے۔

نیول چیف کا کہنا تھا کہ سی پیک اور گوادر بندرگاہ سے بے پناہ سمندری وسائل جڑے ہیں جن سے ہمیں من حیث القوم استفادہ کرنے کی ضرورت ہے۔

’پاک بحریہ چیلنجز سے نمٹنے کیلئے ہمہ وقت تیار ہے‘

ایڈمرل ظفر محمود عباسی نے مزید کہا کہ وسائل کے حصول اور دنیا پر اپنی بالادستی قائم کرنے کے لئے ملکوں کے درمیان نئی صف بندیاں ہو رہی ہیں۔

نیول چیف نے کہا کہ پاکستان کے پاس بیش بہا بحری وسائل موجود ہیں اور انھیں استعمال کرکے ملکی معیشت کو مضبوط کیا جا سکتا ہے۔

ترجمان پاک بحریہ کے مطابق نیول چیف نے کورس کے شرکاءکو تاکید کی کہ وہ اپنے مستقبل کی حکمت عملی کے لئے رہنمائی اسلام اور نظریہ پاکستان سے حاصل کریں۔

’پاک بحریہ چیلنجز سے نمٹنے کیلئے ہمہ وقت تیار ہے‘

نیول چیف کا کہنا تھا کہ آفیسرز کو چاہئے کہ وہ اپنے پیشہ وارانہ علم کو قرآن و سنت کی روشنی میں بروئے کارلاتے ہوئے مستقبل کے چیلنجز کا مقابلہ کریں۔

تازہ ترین