فرمان الہی
نماز کے اوقات
سابق وزیراعظم نواز شریف کی صاحبزادی اور ن لیگ کی نائب صدر مریم نواز نے وفاقی بجٹ 2019-20 پر اپنے ردعمل کا اظہار کردیا۔
ایک بیان میں مریم نواز نے کہا کہ یہ بجٹ نہیں ملکی نااہلوں اور عالمی ساہو کاروں کا عوام کا خون چوسنے کا نسخہ ہے۔
انہوں نے کہا کہ مہنگائی، بے روزگاری اور غربت کی یہ کالی دستاویز نااہل حکومت کا ایک اور سیاہ کارنامہ ہے۔
مریم نواز نے مزید کہا کہ یہ پاکستان کو کئی سال پیچھے دھکیل دے گا اور غریب کا سانس لینا دشوار بنا دے گا۔
ان کا کہنا تھا کہ جس انسان کے گھر کے اخراجات سمیت اس کا ذاتی خرچ اس کے ارب پتی دوستوں کے ذمہ ہو، اسے محنت کش کے خاندان سمیت 15ہزار روپے میں زندہ رہنے کا ادراک اور احساس بھی کیسے ہو گا۔
ن لیگ کی نائب صدر نے یہ بھی کہا کہ اشیائے خورد و نوش اور ضروریات زندگی مہنگی کرنے والی حکومت نے آئی ایم ایف بجٹ کے ذریعے اپنی نالائقی کا بوجھ اس غریب طبقے پر ڈالا جو پہلے سے اس نااہل حکومت کی وجہ پریشان حال زندگی گزار رہے ہیں، نالائق اعظم کا ایک ایک دن ملک پر گہرے زخم لگا رہا ہے۔
مریم نواز نے یہ بھی کہاکہ آج نا صرف کاروباری طبقے بلکہ تنخواہ دار، دیہاڑی دار، نوکری پیشہ، مزدور سمیت محنت و مشقت سے کمانے اور کھانے والے ہر طبقے کو نواز شریف کی یاد تو آئی ہو گی!
