فرمان الہی
نماز کے اوقات
پشاور کی مقامی عدالت نے عمران خان کیخلاف ہرجانہ کیس کی سماعت میں دونوں جانب کے وکلاء کی جانب سے دلائل مکمل کیے جانے پر فیصلہ محفوظ کرلیا ہے۔
ایڈیشنل ڈسٹرکٹ اینڈ سیشن جج عبدالماجدکی عدالت میں عمران خان کیخلاف ہرجانہ کیس کی سماعت ہوئی عمران خان کے وکیل بابر اعوان عدالت میں پیش ہوئے۔
عمران خان کے وکیل نے دلائل دئیے کہ بی بی فوزیہ کے خلاف فیصلہ کمیٹی نے دیا اور شوکاز نوٹس بھی ،بی بی فوزیہ نے کمیٹی کے کسی ممبر کو کیس میں فریق نہیں بنایا جس پر بی بی فوزیہ کے وکیل نے دلائل دئیے کہ شوکاز نوٹس سے پہلے پریس کانفرنس کرکے انکی رکنیت ختم کی گئی اور اب تک تاخیری حربے استعمال کیے گئے کیس کا فیصلہ سنانے میں اب تاخیر نہ کی جائے ۔
دونوں جانب سے وکلاء کے دلائل مکمل ہونے پر عدالت نے فیصلہ محفوظ کرلیا، عمران خان کیخلاف سابق ایم پی اے بی بی فوزیہ پر سینیٹ الیکشن میں ووٹ بھیجنے کے الزام پر 50کروڑ روپے ہرجانہ کیس دائر کر رکھا ہے ۔
