آپ آف لائن ہیں
جنگ ای پیپر
بدھ 15؍ربیع الاوّل 1441ھ 13؍نومبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

گورنر سندھ کی سیاسی سرگرمیاں غیرقانونی ہیں، مرتضیٰ وہاب

وزیراعلیٰ سندھ کے مشیرِ اطلاعات قانون و اینٹی کرپشن بیرسٹر مرتضیٰ وہاب نے گورنر سندھ اور وفاقی وزیرداخلہ کی پریس کانفرنس پر ردعمل دیتے ہوئے کہا ہے کہ گورنر شپ غیرسیاسی عہدہ اور وفاق پاکستان کی علامت ہے، وفاقی وزیرداخلہ گورنر سندھ کے ہمراہ نیوز کانفرنس میں سیاسی مخالفیں کو نشانہ بناتے رہے اور سندھ میں وفاق کا نمائندہ وزیرداخلہ کی سیاسی تنقید پر ہنستارہا۔

بیرسٹر مرتضیٰ وہاب نے کہا کہ یہ کیسانیاپاکستان ہے، جہاں سندھ میں وفاق کا نمائندہ صوبے کے عوام کے مینڈیٹ پر تنقید کرنے والے کے ساتھ بیٹھ کر دروغ گوئی پر مسکراتا رہا، گورنر سندھ کی سیاسی سرگرمیاں غیرقانونی ہیں اور بظاہر انہیں وزیراعظم کی پشت پناہی حاصل ہے۔

انہوں نے کہا کہ اداروں اور وفاق کی علامت منصب کا تقدس پامال کرواکر عمران خان اشتعال کو جنم دے رہے ہیں۔

مرتضیٰ وہاب نے خبردار کیا کہ وفاقی حکومت سندھ کے عوام کے جذبات کو ٹھیس پہنچانے سے باز رہے۔

قومی خبریں سے مزید