سنگاپور : بنا ڈرائیور بسوں کا عوامی ٹرائل اگلے ہفتے ہوگا

سنگاپورمیں ڈرائیور کےبغیر چلنے والی بسوں کا عوامی ٹرائل اگلے ہفتے سے شروع ہورہاہے، ٹرائل کے لئے ایپ سے بکنگ کرانا ہوگی۔

جدید ٹیکنالوجی سے ہم آہنگ سنگاپور میں ڈرائیور کےبغیر چلنے والی چار بسوں کا ٹرائل 26 اگست سے 15 نومبر تک جاری رہے گا، بسیں سنگاپور کے ریزوٹ آئی لینڈ سین ٹوسا میں 5.7 کلومیٹر کے روٹ پر چلیں گی۔

وزیٹرز بسوں کےٹرائل کے لیے موبائل ایپ سے بکنگ کراسکیں گے، جو انہیں منتخب مقامات تک لے جاسکیں گی۔

ڈرائیور کےبغیر چلنے والی بسوں میں احتیاطی طور پر ایک ڈرائیور بھی موجود ہوگا جو ضرورت پڑنے پر بس چلا سکےگا۔