آپ آف لائن ہیں
جنگ ای پیپر
جمعہ17؍ ربیع الاوّل 1441ھ 15؍ نومبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

سابق بھارتی وزیر خزانہ اور بی جے پی کے سینئر لیڈر ارون جیٹلی طویل علالت کے بعد آج نئی دہلی کے مقامی اسپتال میں انتقال کرگئے، ان کی عمر 66 برس تھی۔

ارون جیٹلی کو کچھ روز قبل سانس لینے میں تکلیف کے باعث اسپتال لایا گیا تھا جہاں علاج کے دوران ان کی حالت بہتر بتائی گئی تاہم آج ایک بار پھر ان کی طبیعت اچانک بگڑ گئی اور وہ انتقال کر گئے۔

نئی دہلی کے آل انڈیا انسٹی ٹیوٹ آف میڈیکل سائنس (ایمس) کی جانب سے جاری کی گئی پریس ریلیز کے مطابق سابق بھارتی وزیر خزانہ اور بی جے پی کے سینئر لیڈر ارون جیٹلی آج ہفتہ 24 اگست کو مقامی وقت کے مطابق دوپہر 12 بج کر 07 منٹ پر انتقال کر گئے ہیں۔

ارون جیٹلی نئی دہلی میں انتقال کرگئے
ارون جیٹلی کے انتقال سے متعلق اسپتال کی جانب سے جاری کردہ پریس ریلیز 

2019 کے بھارتی انتخابات میں بی جے پی کو اکثریت ملنے کے بعد ارون جیٹلی نے وزارت لینے سے معذرت کی تھی جسے وزیراعظم نرنیدر مودی نےقبول کرلیا تھا۔

واضح رہے کہ ارون جیٹلی کی پیدائش 28 دسمبر1952 کونئی دہلی کے نارائن وہارعلاقے کے مشہوروکیل مہاراج کشن جیٹلی کے گھرہوئی، انہوں نے نئی دہلی کے سینٹ جیویئراسکول سے ابتدائی تعلیم حاصل کی۔

شری رام کالج آف کامرس سے ارون جیٹلی نے سال 1973 میں گریجویشن کیا،انہوں نے پڑھائی کے دوران سیاست میں بھی حصہ لیا اور 1974 میں دہلی یونیورسٹی کے طلبہ یونین کے صدر منتخب ہوئے۔

بین الاقوامی خبریں سے مزید