• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور محرم الحرام شروع ‘شہر میں سی سی ٹی وی کیمروں کی تنصیب کا عمل نا مکمل

میرا شہر
پشاور
04 ستمبر ، 2019
پشاور(کرائم رپورٹر) صوبائی دارالحکومت پشاور میں محرم الحرام کے ماتمی جلوس شروع ہوگئے ہیں لیکن پولیس کے اعلیٰ افسران کے دعوؤں کے باوجود اندرون شہر میں سی سی ٹی وی کیمروں کی تنصیب کا عمل مکمل نہ ہوسکا۔پشاور پولیس کے اعلیٰ افسران نے محرام الحرام سے قبل وال سٹی کے اند ر سی سی ٹی وی کیمرے نصب کرنے کے بلند و بانگ دعوے کئے تھے لیکن سکیورٹی خدشات کے باوجود حساس مقامات پر یہ کام مکمل نہیں کیا جا سکا شہر کے اندر ایک طرف ماتمی جلوس گزرتے ہیں تو دوسری جانب پولیس کے آئی ٹی ماہرین مزکورہ مقامات پرکیمرے لگانے میں مصروف نظر آتے ہیں گزشتہ برس محرم الحرام سے قبل تمام سکیورٹی انتظامات مکمل کر لئے گئے تھے تاہم امسال پولیس کی بھاری نفرری تو تعینات کر دی گئی ہے لیکن مجالس اور ماتمی جلوسوں کی سی سی ٹی وی کیمروں سے مانیٹرنگ کا کام ابھی ادھورا ہے مقامی ذرائع کے مطابق کچھ انتہائی حساس مقامات پر کیمرے لگادیئے گئے ہیں لیکن بہت سارے ایسے علاقے ہیں جہاں یہ کام ا بھی تک مکمل نہیں کیا جاسکا۔
تازہ ترین