بیلجیئم کا پاکستان کے ساتھ کھیلنے سے انکار

جاپان کے شہر ٹوکیو میں آئندہ سال منعقد ہونے والے اولمپکس کے لیے قومی ہاکی ٹیم کوالی فائر مقابلے میں 26 اور 27 اکتوبر کو ایمسٹر ڈیم میں میزبان ہالینڈ سے مقابلہ کرے گی۔

پاکستان ہاکی فیڈریشن کے سیکریٹری اولمپئین آصف باجوہ کے مطابق فیڈریشن نے ورلڈ چیمپئین بیلجیئم سے اولمپک کوالی فائر سے قبل پریکٹس میچ کھیلنے کے لیے رابطہ کیا تھا، جس کا مثبت جواب نہیں ملا۔

سیکریٹری ہاکی فیڈریشن آصف باجوہ کا کہنا ہے کہ شیڈول کے مطابق قومی ہاکی ٹیم 20اکتوبر کو ہالینڈ روانہ ہوگی۔

آصف باجوہ کے مطابق ہمیں یورپ میں پریکٹس میچ کھیلنے کے لیے کچھ مثبت جواب ملا، جس کے لیے ہم دیگر ٹیموں سے رابطے میں ہیں ،تو ممکن ہے کہ ٹیم 20 اکتوبر سے قبل بھی روانہ ہو سکتی ہے۔