آپ آف لائن ہیں
جنگ ای پیپر
جمعہ 18؍ صفر المظفّر 1441ھ 18؍ اکتوبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

مرینہ اقبال کا قائد اعظم ٹرافی میں بطور کمنٹیٹر ڈبیو

انٹرنیشنل کرکٹر مرینہ اقبال کا قائد اعظم ٹرافی فرسٹ کلاس کرکٹ میں بطور کمنٹیٹر ڈبیو ہوگیا، مرینہ کہتی ہیں کہ ان کا ٹارگٹ انٹرنیشنل مقابلوں میں کمنٹری کرنا ہے۔

قائد اعظم ٹرافی کے میچز کی لائیو اسٹریمنگ جاری ہے جس کے کمنٹری پینل میں خاتون کمنٹیٹر مرینہ اقبال بھی شامل ہیں۔

انٹرنیشنل کرکٹر مرینہ اقبال نے دو سال پہلے کمنٹری کا آغاز کیا، وہ پاکستان ویمن ٹیم کی ویسٹ انڈیز اور آسٹریلیا کے خلاف سیریز میں کمنٹری کر چُکی ہیں اب پہلی مرتبہ وہ فرسٹ کلاس کرکٹ میں کمنٹری کر رہی ہیں ۔

مرینہ اقبال کہتی ہیں کہ انہیں مردوں کے میچز میں بھی کمنٹری کے دوران کوئی مشکل پیش نہیں آتی۔

مرینہ اقبال کا کہنا ہے کہ انہیں ویمن کمنٹیٹرز میل جونز اور ایشا گوہا کو دیکھ کر کمنٹری کا شوق ہوا، اب اُن کا اگلا ہدف انٹرنیشنل میچز میں کمنٹری کرنا ہے۔

کھیلوں کی خبریں سے مزید