آپ آف لائن ہیں
جنگ ای پیپر
جمعرات25؍جمادی الثانی 1441ھ 20؍فروری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

عوام کو بلا امتیاز ان کے حقوق مل رہے ہیں‘ ڈاکٹر امجد علی

پشاور (نیوز ڈیسک) خیبر پختونخوا کے وزیر معدنیات ڈاکٹر امجد علی نے کہا ہے کہ سوات میں پاکستان تحریک انصاف ایک مضبوط قوت بن کر ابھری ہے۔ عوام کو بلا امتیاز ان کے حقوق مل رہے ہیں۔ ان خیالات کا اظہار انہوں نے سوات کے گائوں پارڑئی میں منعقدہ ایک شمولیتی جلسے سے خطاب کرتے ہوئے کیا۔ جلسے میں مسلم لیگ ن کے افتخار نے اپنے خاندان اور دوستوں سمیت پی ٹی آئی میں شمولیت کا اعلان کر دیا اور وزیر معدنیات ڈاکٹر امجد علی اور پی ٹی آئی پر مکمل اعتماد کا اظہار کرتے ہوئے ساتھ چلنے کا عہد کیا۔ اس موقع پر وزیر معدنیات نے اپنے حلقے کے لئے دو ٹیوب ویل بھی منظور کئے اور سوئی گیس کی مد میں دو پیکجز کا بھی اعلان کیا۔ انہوں نے کہا کہ پی ٹی آئی ملک کی سب سے بڑی سیاسی قوت ہے ضلع سوات میں پی ٹی آئی نے گزشتہ ادوار کے مقابلے میں ریکارڈ ترقیاتی کام کئے ہیں یہی وجہ ہے کہ آئے روز دوسری سیاسی پارٹیوں کے رکن اور کارکنان جوق درجوق پی ٹی آئی میں شامل ہو رہے ہیں۔ انہوں نے کہا کہ عوام کو ان کے حقوق دلوانے کے لئے ہم شبانہ روز محنت کر رہے ہیں۔ ہم ماضی میں عوام کی محرومیوں کا ازالہ کر رہے ہیں۔ انہوں نے کہا کہ گزشتہ حکومتوں میں ایزی لوڈ اور کرپشن کی کہانیاں عام تھیں تاہم موجودہ حکومت نے کرپشن اور اقربا پروری کا مکمل خاتمہ کر دیا ہے اور عوام کو

بلا امتیاز ان کے حقوق مل رہے ہیں۔

پشاور سے مزید