آپ آف لائن ہیں
جنگ ای پیپر
اتوار20؍ صفرالمظفر 1441ھ 20؍اکتوبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

٭…محمد حفیظ الرحمٰن…٭

دِل خون ہوا جاتا ہے یوں شدتِ غم سے

ہو جوئے لہو جیسے رواں کوہِ الم سے

کشمیر کے زخموں پہ نمک ڈالنے والو

دِل جیتو گے تم کیسے بھلا ظلم و ستم سے

آزادی ہے کشمیر کا مقسوم بلا شک

قابض نہیں رہ سکتے ہو تم جاہ و حشم سے

پرچم وطنِ پاک کا ہے سبز ہلالی

کشمیرکو سجنا ہے اِسی پاک عَلم سے

وانی نہ تھا بس ایک ، کہ ہم سب ہی ہیں وانی

منزل کا پتہ لیں گے اسی نقشِ قدم سے

کشمیر کے زخموں کا مداوا بھی کریں گے

ہر زخم کا بدلہ بھی چکائیں گے ، قسم سے

ہیں آج اگر دور تو کچھ غم نہیں یارو

جلد آئے گا وہ دِن کہ وہ مل جائیں گے ہم سے

یارب یونہی بستا رہے دِل میں مرے کشمیر

لکھتا رہوں نغمے یونہی میں اپنے قلم سے

قرطاسِ ادب سے مزید