آپ آف لائن ہیں
جمعرات17؍ذیقعد 1441ھ9؍جولائی2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پاکستان کا مودی کو فضائی راستہ نہ دینے کا اعلان

پاکستان کا مودی کو فضائی راستہ نہ دینے کا اعلان


پاکستان نے بھارتی وزیراعظم نریندر مودی کو فضائی راستہ نہ دینے کا اعلان کردیا۔

وزیر خارجہ شاہ محمود قریشی نے ایک بیان میں کہا کہ نریندر مودی کو پاکستان کی فضائی حدود استعمال کرنے کی اجازت نہ دینے کا فیصلہ کیا گیا ہے۔

انہوں نے کہا کہ بھارتی ہائی کمشنر کو پاکستان کے بھارتی وزیراعظم کو فضائی راستہ نہ دینے کے فیصلے سے آگاہ کردیا گیا ہے۔

شاہ محمود قریشی نے مزید کہا کہ بھارت نے نریندر مودی کے جرمنی جانے کے لیے فضائی حدود استعمال کرنے کی اجازت مانگی تھی۔

ان کا کہنا تھا کہ بھارتی وزیراعظم کے لیے 20ستمبر اور 28 ستمبر کو فضائی حدود کے استعمال کی اجازت مانگی گئی تھی، پاکستان نے جسے ماننے سے انکار کردیا ہے۔

یہ بھی پڑھیے: پاکستان کا بھارتی صدر کو فضائی حدود کے استعمال سے انکار

واضح رہے کہ رواں ماہ کے اوائل میں پاکستان نے بھارتی صدر رام ناتھ کووند کے طیارے کو بھی یورپ جاتے ہوئے اپنی فضائی حدود سے گزرنے کی اجازت نہیں دی تھی۔

قومی خبریں سے مزید