آپ آف لائن ہیں
جنگ ای پیپر
منگل 22؍ صفر المظفّر1441ھ22؍ اکتوبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

صوبائی اسمبلی کی قائمہ کمیٹی برائے لیبر ڈیپارٹمنٹ کا اجلاس

پشاور ( نیوزڈیسک )صوبائی اسمبلی خیبر پختونخوا کی قائمہ کمیٹی برائے لیبر ڈیپارٹمنٹ کا اجلاس بدھ کے روزرکن صوبائی اسمبلی شیر اعظم خان کی زیر صدارت اسمبلی سیکرٹریٹ میں منعقد ہوا جس میں رکن اسمبلی ساجدہ حنیف، سومی فلک نیاز ، سیکرٹری ورکرز ویلفیئر بورڈ ڈاکٹر بلال، ڈائریکٹر لیبر عرفان اللہ خان اور دیگر افسران نے شرکت کی۔ سیکرٹری ورکر ز ویلفیئر بورڈ اور دیگر افسران نے کمیٹی کو ادارے کی کارکردگی اور محنت کشوں کی فلاح و بہبود کے لئے جاری منصوبوں پر تفصیلی بریفنگ دی۔ چیئر مین کمیٹی نے ادارے کی کارکردگی پر اطمینان کا اظہار کیا اور افسران کو ادارے کو مزید بہترین بنانے اور مزدورں کی فلاح و بہبود کے لئے ٹھوس اقدامات اٹھانے کی تلقین کی۔ چیئرمین کمیٹی نے دیگر ممبران کو ادارے کا دورہ کرنے اور جاری منصوبوں کا جائزہ لینے کی ہدایت کی ۔ اس موقع پر انہوں نے کہا کہ محنت کشوں کی فلاح وبہبود کے لئے اقدامات اٹھا نا ہم سب کی ذمہ داری ہے اور اس میں کوتاہی کرنے کی کوئی گنجائش نہیں ہے۔

پشاور سے مزید