اہم اراکین کانگریس کا مودی کے خطاب میں آنے سے انکار

19 ستمبر ، 2019

امریکی امورخارجہ کمیٹی کے چیئرمین ایلیٹ اینگلز سمیت اہم اراکین کانگریس نے بھارتی وزیراعظم نریندر مودی کے ٹیکساس میں خطاب کے موقع پر آنے سے انکار کر دیا ہے۔

بھارت کےوزیراعظم کو ٹیکساس میں خطاب کے موقع پر کئی اہم شخصیات سے ملاقات کی حسرت ہی رہ جائے گی۔

میزبان کمیٹی نے کئی نامور اراکین کانگریس کو دعوت نامے دے کرتسلی کر لی تھی کہ نریندرمودی کے سامنے سرخرو ہوجائیں گے لیکن کئی انتہائی اہم اراکین کانگریس نے مودی کی تقریب میں جانے سے صاف انکار کر دیا ہے۔

ذرائع کے مطابق مقبوضہ کشمیر کی حیثیت یکطرفہ طور پر تبدیل کرنے اور کشمیریوں پر 46 روز سے مظالم کے پہاڑ توڑنے پر امریکا میں بعض اہم شخصیات کو تحفظات ہیں۔

امریکی امورخارجہ کمیٹی کے چیئرمین ایلیٹ اینگلز مودی کی تقریب میں نہیں جائیں گے، جبکہ جنوبی ایشیا کمیٹی کے چیئرمین بریڈشرمین جو مقبوضہ کشمیر سے متعلق اکتوبر میں اہم سماعت بھی کرنے والے ہیں ،انہوں نے بھی واضح کیا ہے کہ وہ مودی کےساتھ محض تصویریں نہیں بنوانا چاہتے۔

افریقن امریکن کاکس کی چیئر کیرن بیس نے بھی مودی کی تقریب میں جانے سے انکار کر دیا ہے، یہی نہیں لاطینوامریکن کاکس کےچیئرٹونی کارڈیناس بھی مودی کی تقریب میں نہیں جائیں گے۔

ایشین امریکن اینڈپیسیفک آئی لینڈرزکی چیئرپرسن جوڈچوبھی مودی کوسننےنہیں جائیں گی۔

نامور اراکین کانگریس کی جانب سے دعوت نامے ٹھکرائے جانے سے میزبان کمیٹی نئی مشکل سے دوچار ہوگئی ہے۔

تازہ ترین