آپ آف لائن ہیں
جنگ ای پیپر
بدھ23؍ صفرالمظفّر 1441ھ 23؍اکتوبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

میئرنےمسئلہ کراچی مشرف کےسامنے رکھ دیا

میئر کراچی وسیم اختر نے دبئی میں سابق صدر پرویز مشرف سے ملاقات کی جس میں کراچی کی صورتحال پر بات چیت ہوئی ہے۔

ذرائع کے مطابق میئر کراچی وسیم اختر نے دبئی میں سابق صدر پرویز مشرف سے ملاقات کے دوران کراچی کے مسائل کے بارے میں گفتگو کی۔

وسیم اختر نے کراچی سمیت پورے صوبے کے حالات اور صورتحال سے پرویز مشرف کو آگاہ کرتے ہوئے کہا کہ کراچی کو تباہ کردیا گیا ہے، کراچی کو کوئی اپنی ذمہ داری سمجھنے والا نہیں، شہر کو لاوارث کر دیا گیا ہے۔

سابق صدر پرویز مشرف نے کراچی کی صورتحال پر بات کرتے ہوئے کہا کہ میرے دور میں جو محکمے بلدیہ کے پاس تھے وہ واپس کیے جائیں، میں نے اپنے دور میں جو اختیارات اور فنڈز میئر کو دئیے ویسے ہی حکومتوں کو دینا ہوں گے۔

پرویز مشرف کا کہنا تھا کہ کراچی کو بہتر بنانے کے لیے میئر کو اختیارات دینا ہوں گے۔

قومی خبریں سے مزید