آپ آف لائن ہیں
جنگ ای پیپر
اتوار19؍ربیع الاوّل 1441ھ 17؍نومبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

ایک حکیم سے پوچھا گیا,زندگی میں کامیابی کیسے حاصل ہوتی ہے؟

حکیم نے کہا ،’’اس کا جواب لینے کےلیے آپ کو آج رات کا کھانا میرے پاس کھانا ہوگا۔‘‘

سب دوست رات کو جمع ہوگئے۔اس نے سوپ کا ایک بڑا برتن سب کے سامنے لا کررکھ دیا۔،مگر سوپ پینے کے لیے سب کو ایک ایک میٹر لمبا چمچ دے دیا اور سب کو کہا کہ آپ سب اپنے اپنے لمبے چمچ سے سوپ پینا ہے۔ ہر شخص نے کوشش کی،مگر ظاہر ہے ایسا ناممکن تھا۔ کوئی بھی شخص چمچ سے سوپ نہیں پی سکا۔ سب بھوکے ہی رہے۔

جب سب ناکام ہوگئے تو حکیم نے کہا، میری طرف دیکھو،اس نے ایک چمچ پکڑ ا، سوپ لیا اور چمچ اپنے سامنے والے شخص کے منہ سے لگا دیا۔

اب ہر شخص نے اپنا اپنا چمچ پکڑا اور دوسرے کو سوپ پلانے لگا۔ سب کے سب بہت خوش ہوئے۔

سوپ پینے کے بعد حکیم کھڑا ہوا اور بولا,’’جو شخص زندگی کے دسترخوان پر اپنا ہی پیٹ بھرنے کا فیصلہ کرتا ہے، وہ بھوکا ہی رہے گااور جو شخص دوسروں کو کھلانے کی فکر کرے گا، وہ خود کبھی بھوکا نہیں رہے گا۔ دینے والا ہمیشہ فائدہ میں رہتا ہے، لینے والے سے۔ ‘‘

پیارے بچو!ہم سب کی کامیابی کا راستہ دوسروں کی کامیابی سے ہوکر گزرتا ہے۔