من موہن سنگھ پاکستان آنے کیلئے تیار

بھارت کے سابق وزیر اعظم من موہن سنگھ نے کرتارپور راہداری کی افتتاحی تقریب میں پاکستان آنے کی دعوت قبول کرلی ہے۔

’ٹائمز آف انڈیا‘ کے مطابق پاکستان نے بابا گورو نانک کے 550 ویں جنم دن کے موقع پر کرتارپور راہداری کا افتتاح 9 نومبر کو کرنے کا فیصلہ کیا ہے۔

اس حوالے سے وزیر خارجہ شاہ محمود قریشی نے سابق بھارتی وزیر اعظم من موہن سنگھ کو کرتارپور راہداری کی افتتاحی تقریب کے لیے مدعو کیا تھا اور اس کے لیے انہیں باقاعدہ تحریری دعوت نامہ بھی بھیجا گیا تھا۔

یہ بھی پڑھیے: پاکستان نے مودی کے بجائے من موہن کو دعوت دیدی

بھارتی میڈیا نے دعویٰ کیا ہے کہ وزیراعظم من موہن سنگھ نے پاکستان کا دعوت نامہ قبول کرلیا ہے اور وہ کرتارپور راہداری کی افتتاحی تقریب میں شرکت کے لیے پاکستان آئیں گے۔

بھارتی پنجاب کے وزیراعلیٰ امرندر سنگھ نے بھی سماجی رابطے کی ویب سائٹ ٹوئٹر پر ٹوئٹ کرتے ہوئے کہا کہ انہوں نے سابق وزیراعظم سے ملاقات کرکے انہیں کرتارپور راہداری کی افتتاحی تقریب میں شرکت کے لیے دورہ پاکستان کی دعوت دی ہے۔

شاہ محمود کا کرتار پور سے متعلق اہم ویڈیو پیغام

وزیر خارجہ مخدوم شاہ محمود قریشی کا کہنا ہے کہ ...

واضح رہے کہ کچھ روز قبل شاہ محمود قریشی نے اپنے ایک ویڈیو پیغام میں کہا تھاکہ پاکستان نے مشاورت کے بعد یہ فیصلہ کیا ہے کہ اس کرتارپور راہداری کی افتتاحی تقریب میں ہندوستان کے سابق وزیر اعظم من موہن سنگھ کو مدعو کریں گے۔

شاہ محمود قریشی نے کہا تھا کہ یہ من موہن سنگھ کا دھرم بھی ہے وہ سکھ کمیونٹی کی نمائندگی بھی کرتے ہیں۔