کیبل کار کے مزے لینا منچلوں کو مہنگا پڑگیا

یوں تو دنیا میں ایڈنچر کے شوقین افراد کی کمی نہیں لیکن جناب بعض اوقات یہ شوق مہنگا بھی پڑ سکتا ہے۔

ویڈیو میں نظر آنے والے ان منچلوں کو ہی دیکھ لیں جنہیں ڈزنی ورلڈ کی نئی اسکائی لائنر کے مزے لینا مہنگا پڑ گیا ہے۔

یہ واقعہ امریکی ریاست فلوریڈا کے شہر اورلینڈ کے ذدنی ورلڈ میں پیش آیا جب سیاح نئی اسکائی لائنر کیبل کار کے مزے لے رہے تھے کہ اچانک تکنیکی خرابی کی وجہ سے زمین سے تیس فٹ اونچائی پر کیبل کار پھنس گئی۔

رپورٹ کے مطابق تین گھنٹوں تک کیبل کار میں پھنسے افراد کو بحفاظت ریسکیو کرلیا گیا جبکہ انتظامیہ کی جانب سے فی الوقت کیبل کار بند کردی گئی ہے۔