برلن (مانیٹرنگ سیل) جرمنی میں یہودیوں کی عبادت گاہ کے مرکزی دروازے پر نامعلوم شخص نے اندھا دھند فائرنگ کردی جس کے نتیجے میں2افراد ہلاک ہوگئے۔
بین الاقوامی خبر رساں ادارے کے مطابق حملہ آور واقعے کے بعد فرار ہونے میں کامیاب ہوگیا تھا جسے پولیس نے تعاقب کرکے حراست میں لے لیا ہے۔ فائرنگ کے وقت یہودیوں کی عبادت گاہ میں بڑی تعداد میں لوگ موجود تھے۔ مرکزی دروازے پر سیکورٹی کے باعث حملہ آور اندر داخل ہونے میں ناکام رہا جس سے جانی نقصان کم ہوا۔