آپ آف لائن ہیں
جنگ ای پیپر
پیر21؍ صفر المظفر 1441ھ 21؍اکتوبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

سندھ حکومت کا کرپشن کے بڑے کیسز میں گرفتاریوں کا فیصلہ

سندھ حکومت نے کرپشن کے بڑے کیسز میں ملوث سرکاری افسران کی گرفتاری کا فیصلہ کیا ہے۔

ذرائع کا کہنا ہے کہ چیف سیکریٹری نے کرپشن میں ملوث سرکاری افسران کی گرفتاری کی منظوری دے دی ہے۔

ذرائع کے مطابق بدعنوان سرکاری افسران و ملازمین کی گرفتاری کی منظوری اینٹی کرپشن کیسز میں دی گئی ہے، بدعنوانی میں ملوث افسران کا تعلق محکمہ خوراک، بلدیات، ورکس اینڈ سروسز، محکمہ کو آپریٹو سے ہے۔

سندھ حکومت نے بے نظیر بھٹو یوتھ ڈیولپمنٹ پروگرام اور ووکیشنل ٹریننگ سینٹرمیں کرپشن پر 22 افراد کی گرفتاری کی منظوری بھی دی ہے، جبکہ محکمہ لائیواسٹاک اور محکمہ اقلیتی امور میں کرپشن پر متعدد افسران پر مقدمات درج کرکے گرفتار کرنے کا فیصلہ کیا گیا ہے۔

ذرائع کا کہنا ہے کہ سندھ سیکریٹریٹ کمپلیکس 7 اور 8 کی تعمیر میں کرپشن پر پروجیکٹ ڈائریکٹر اور ٹھیکیدار کی گرفتاری کی منظوری بھی دی گئی ہے۔

قومی خبریں سے مزید