آپ آف لائن ہیں
جنگ ای پیپر
جمعہ24؍ ربیع الاوّل 1441ھ 22؍ نومبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

کراچی کا مینڈیٹ تبدیل کرنا ہے تو کام کرکے دکھانا ہوگا، خالد مقبول

وفاقی وزیر انفارمیشن ٹیکنالوجی خالد مقبول صدیقی کا کہنا ہے کہ کراچی کے چکر لگانے اور طواف کرنے والوں سے کہنا چاہتا ہوں کہ اس سے کچھ حاصل نہیں ہوگا، شہر ِقائد کا مینڈیٹ تبدیل کرنا ہے تو اس کے لیے کام کرکے دکھانا ہوگا۔

خالد مقبول صدیقی  کی  میڈیا سے گفتگو


لاہور کے مقامی ہوٹل میں وفاقی وزیر انفارمیشن ٹیکنالوجی خالد مقبول صدیقی نے ایسوسی ایشن آف اوپن یونیورسٹیز کی سالانہ کانفرنس میں شرکت کی۔

اس موقع پر میڈیا سے بات کرتے ہوئے خالد مقبول صدیقی نے کہا کہ نظام کی تبدیلی خواہشات اور دھرنوں سے نہیں ہوگی عام آدمی ایوان میں آئے گا تو ہی حالات بدلیں گے۔

خالد مقبول صدیقی کا کہنا تھا کہ گورنر راج کا آپشن آئین میں موجود ہے مگر یہ آپشن آخری ہونا چاہیے۔

انہوں نے کہا کہ پاکستان کشمیر کا مسئلہ پوری دنیا میں اجاگر  کرنے کی کوشش کر رہا ہے ۔

ایک سوال کے جواب میں خالد مقبول صدیقی نے کہا کہ بانی متحدہ نے پاکستان کی حرمت پر سوال اٹھایا تو پوری قوم بدل گئی۔

قومی خبریں سے مزید