نیشنل گیمز 2019 کی مشعل پاک بحریہ کے حوالے

تینتیسویں (33) نیشنل گیمز 2019 کی مشعل اسلام آباد میں پاک بحریہ کے حوالے کرنے کی تقریب کا انعقاد کیا گیا۔

پاک بحریہ کے کمانڈر نارتھ کموڈور حامد حسین نے نیشنل گیمز کی مشعل پاکستان ائیر فورس سے فیصل مسجد کے قریب وصول کی۔

بعد ازاں کچھ فاصلے طے کرنے کے بعد پاک بحریہ نے مشعل پاکستان آرمی کے سپرد کردی۔

مشعل کا یہ سفر پاکستان اولمپک ایسوسی ایشن کے تعاون سے جاری ہے۔

نیشنل گیمز میں پاک بحریہ کی بیس (20) ٹیمیں مختلف مقابلوں میں حصہ لے رہی ہیں۔

تقریب میں پاک بحریہ کے آفیسرز، جوانوں، کھلاڑیوں سمیت بحریہ سکول اور کالج کے طلباء نے شرکت کی۔