• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مرغیاں بانٹنے سے کچھ نہیں ہوتا، عوام کو سہولتیں فراہم کی جائیں ، پشاور ہائیکورٹ

آج کا اخبار
اہم خبریں
16 اکتوبر ، 2019
پشاور(نمائندہ جنگ)پشاور ہائیکورٹ کے جسٹس قیصر رشید نے کہا ہے کہ مرغیاں بانٹنے سے کچھ نہیں ہوتا ،حکومت عوام کو پہلے بنیادی سہولیتں فراہم کرے، لوگ گندہ پانی پینے پر مجبور ہیں، حکومت کی ترجیحات کچھ اور ہیں۔ یہ ریمارکس فاضل جسٹس نے نہری پانی گندہ کرنے اور آلودگی پھیلانے کے خلاف دائر درخواست پر سماعت کے دوران دیئے ۔ جسٹس قیصر رشید اور جسٹس نعیم انور پر مشتمل دو رکنی بینچ نے کی کیس کی سماعت شروع کی تو ایریگیشن ڈیپارٹمنٹ کا نمائندہ اور ایڈوکیٹ جنرل شمائل احمد بٹ عدالت میں پیش ہوئے ، ایریگیشن ڈیپارٹمنٹ کے نمائندے نے عدالت کو بتایا کہ نہروں کی صفائی اور آلودگی سے پاک کرنے کیلئے پی سی ون تیار کرلیا ہے ،ایڈوکیٹ جنرل نے عدالت کو بتایا کہ نہروں کی صفائی اور آلودگی سے پاک رکھنے کے لئے کئی بلین روپے درکار ہیں ،فنانس ڈیپارٹمنٹ اس پر کام کررہا ہے فنڈ ملے گا تو کام شروع کردیا جائے گا ۔
تازہ ترین