• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیراعلیٰ کا ڈیرہ غازی خان کے عوام کیلئے بڑا تحفہ

تازہ ترین
قومی خبریں
14 نومبر ، 2019
وزیراعلیٰ کا ڈیرہ غازی خان کے عوام کیلئے بڑا تحفہ

وزیراعلیٰ پنجاب سردار عثمان بزدار نےڈیرہ غازی خان کے قبائلی علاقوں کے عوام کے لیے بڑے تحفے کا اعلان کیا ہے۔

وزیراعلیٰ پنجاب سردار عثمان بزدار کا کہنا ہے کہ ڈیرہ غازی خان کے قبائلی علاقوں کے لیے علیحدہ گرڈ اسٹیشن بنے گا۔

اس کے علاوہ پاورڈویژن نے منصوبے کے لیے پی سی ون تیارکرنے کی بھی ہدایت کردی۔

بارتھی خاص میں 132کے وی گرڈ اسٹیشن بنایا جائے گا۔ گرڈ سٹیشن کے ساتھ 132 کے وی کی ٹرانسمیشن لائن بھی بچھائی جائے گی، یہ ٹرانسمیشن لائن 49 کلو میٹر طویل ہوگی۔

عثمان بزدار کا کہنا ہے کہ اس منصوبے پر تقریباً ایک ارب روپے لاگت آئے گی۔

انہوں نے کہا کہ پنجاب کے پسماندہ ترین علاقے بارتھی کے عوام کو ترقی کے سفر میں ساتھ لے کر چلیں گے۔

گرڈ اسٹیشن کے منصوبے کی تکمیل سے قبائلی علاقوں کے عوام کو بجلی کی بلا تعطل فراہمی یقینی بنائی جاسکے گی۔

عثمان بزدارکا کہنا ہے کہ اپنے عوام کے ساتھ کیے گئے وعدے پورے کروں گا۔

تازہ ترین