آپ آف لائن ہیں
جنگ ای پیپر
منگل12؍ربیع الثانی 1441ھ 10؍ دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

برطانیہ میں ڈرائیور اپنی زندگی کے اوسطاََ 4سال ڈرائیونگ کرتے ہیں

لندن (مانیٹرنگ ڈیسک)گاڑی چلانے والے افراد نے کبھی سوچا ہے کہ وہ اپنی پوری زندگی میں کتنا وقت ڈرائیونگ کو دے چکے ہیں؟آج ہم آپ کو ڈرائیونگ کے حوالے سے حال ہی میں کی جانے والی ایک دلچسپ تحقیق کے بارے میں بتائیں گے جس کے بعد آپ حیران ہو جائیں گے۔حال ہی میں برطانیہ کے ڈرائیورز پر ’Webuyanycar.com‘ کی جانب سے ایک دلچسپ کی گئی ہے۔اس تحقیق میں ماہرین نے برطانیہ کے 2000 ڈرائیورز کا تجزیہ کرنے کے بعد حیرت انگیز نتائج اخذ کیے ہیں۔تحقیق کے مطابق برطانیہ میں لوگ اپنی زندگی میں گاڑی چلا کر کُل 5 لاکھ 92 ہزار 920 میل سفر کرتے ہیں جو کہ چاند پر جا کر واپس آجانے کے مترادف ہے۔ماہرین نے تحقیق میں یہ بات بھی واضح کی ہے کہ برطانیہ میں گاڑی چلانے والا شخص اوسطاً اپنی زندگی کے تقریباً چار سال کے برابر ڈرائیونگ گزارتا ہے۔تحقیق میں یہ بھی بتایا کہ یہ لوگ کُل ملا کر اپنی زندگی کے 8 ماہ ٹریفک جام میں پھنس کر گزارتے ہیں۔اس تحقیق کے حیرت انگیز اعداد و شمار کے مطابق اگر آپ نے 17 سال کی عمر سے گاڑی چلانا شروع کی ہے اور آپ 80 سال کی عمر تک گاڑی چلا رہے ہو تو آپ نے اپنی زندگی کے 2 ماہ صرف پارکنگ کی جگہ ڈھونڈنے میں گزارے ہیں۔’Webuyanycar.com‘ کی جانب سے کی گئی تحقیق میں یہ بھی بتایا گیا ہے کہ برطانیہ میں گاڑی چلانے والے افراد اپنی زندگی کے 61 دن اپنی

گاڑی کو دھونے میں گزارتے ہیں۔

دل لگی سے مزید