آپ آف لائن ہیں
بدھ16؍ذیقعد 1441ھ 8؍ جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

افغان صدر اشرف غنی کا داعش کیخلاف فتح کا اعلان

افغان صدر  نے شدت پسند تنظیم داعش کےخلاف فتح کا اعلان کردیا


افغان صدراشرف غنی نے شدت پسند تنظیم داعش کےخلاف فتح کا اعلان کردیا ہے۔

افغان حکام کے مطابق چند ہفتوں کے دوران داعش کے 600 سے زائد شدت پسندوں نے اپنے اہل خانہ کے ہمراہ افغان حکومت کے سامنے ہتھیار ڈال دیے ہیں۔

 یہ بھی پڑھیے: داعش کی افغانستان میں قدم جمانے کی کوشش

افغان حکام کے مطابق افغان صدر اشرف غنی نے جلال آباد میں اجتماع سے خطاب کرتے ہوئے کہا کہ ایک سال قبل کسی کو اس بات کا یقین نہیں تھا کہ افغانستان داعش کے خلاف کھڑا ہوگا اور آج وہ داعش کی تباہی کا اعلان کر رہے ہیں۔

طالبان کے ترجمان ذبیح اللہ مجاہد نے افغان صدر اشرف غنی کے بیان کو مضحکہ خیز قرار دیتے ہوئے کہا کہ کابل انتظامیہ کا داعش کی شکست میں کردار صفر فیصد ہے۔

ان کے قبضے میں جو شدت پسند موجود ہیں وہ ایران،تاجکستان، ازبکستان، آذربائیجان، قازقستان اور مالدیپ کے باشندے ہیں۔

بین الاقوامی خبریں سے مزید