آپ آف لائن ہیں
جنگ ای پیپر
منگل12؍ربیع الثانی 1441ھ 10؍ دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

عمران خان کی مہندا راجا پکسے کو وزارت عظمیٰ کا منصب سنبھالنے پر مبارکباد


وزیراعظم عمران خان نے مہندا راجا پکسے کو سری لنکا کا نیا وزیراعظم مقرر ہونے پر مبارکباد دی۔

وزیراعظم نے مہندا راجا پکسے کے دورِ صدارت میں سری لنکا کی ترقی کی تعریف کی۔

عمران خان نے دونوں ممالک کے درمیان ہر شعبے میں تعاون مزید مستحکم کرنے کی خواہش کا اظہار بھی کیا۔

وزیراعظم عمران خان نے سری لنکن ہم منصب کو دورہ پاکستان کی دعوت بھی دی، جبکہ مہندا راجا پکسے نے وزیراعظم عمران خان کا شکریہ ادا کیا۔

سری لنکن وزیراعظم نے مستقبل میں مل کر کام کرنے کے عزم کو دہرایا۔

یاد رہے کہ سری لنکا کے صدارتی انتخابات میں مہندا راجاپکسے کے بھائی گوٹابایا راجا پسکے کامیاب ہو کر نئے صدر بن گئے ہیں۔ 

سری لنکا کے سابق وزیراعظم رانیل وکرما سنگھے نے بدھ کو اپنے عہدے سے استعفیٰ دیتے ہوئے پارلیمنٹ کو یہ اختیار دیا تھا کہ وہ وزیراعظم کا انتخاب کرے تاکہ نئے منتخب صدر گوٹابایا راجا پکسے کے ساتھ ایک نئی ٹیم کام کرسکے۔

قومی خبریں سے مزید