آپ آف لائن ہیں
جمعرات6؍ صفر المظفّر 1442ھ24؍ستمبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

جعلی اکاؤنٹس کیس میں پی آئی اے کے سابق سربراہ گرفتار

جعلی اکاؤنٹس کیس میں پی آئی اے کے سابق سربراہ گرفتار


 قومی احتساب بیورو (نیب) راولپنڈی  نے جعلی اکاؤنٹس کیس میں پی آئی اے کے سابق سربراہ اعجاز ہارون کو گرفتار کرلیا۔

وہ سابق صدر آصف علی زرداری کے قریبی ساتھی کے طور پر جانے جاتے ہیں، اعجاز ہارون ان دنوں ایک نجی ہاؤسنگ سوسائٹی کے سربراہ کی حیثیت سے کام کررہے تھے۔

نیب اعلامیے کے مطابق ملزم اعجاز ہارون پر الزام ہے کہ انہوں نے 12 جعلی الاٹیوں کو پلاٹ الاٹ کیے اور ایم ایس لکی، ایم ایس اے ون کے 2 جعلی اکاؤنٹس کے ذریعے اومنی گروپ کے 144 ملین روپے کی منی لانڈرنگ کی۔

ذرائع کا دعویٰ ہے کہ ملزم سابق صدر آصف علی زرداری کا قریبی ساتھی ہے جبکہ مسلم لیگ (ن) کے رہنما مفتاح اسماعیل کا قریبی عزیز ہے۔

قومی خبریں سے مزید