فرمان الہی
نماز کے اوقات
لاہور کے علاقے لیاقت آباد میں غباروں میں ہوا بھرنے والے سلنڈر میں دھماکے کے بعد آگ لگنے سے 3 افراد جاں بحق اور 3زخمی ہو گئے، دھماکے سے علاقے میں خوف و ہراس پھیل گیا۔
لیاقت آباد دھلے فلیٹس، سالار روڈ پر غباروں میں گیس بھرنے کا عمل جاری تھا کہ اچانک ہوا بھرنے والا سلنڈر زوردار دھماکے سے پھٹ گیا۔
واقعے کے بعد پولیس اور فرانزک کی ٹیمیں جائے حادثہ پر پہنچ گئیں اور شواہد اکٹھے کیے۔
عینی شاہدین کے مطابق سلنڈر پھٹنے کے بعد آگ لگ گئی، جس سے خاتون سمیت 6 افراد جھلس گئے۔
سلنڈر پھٹنے سے 50 سالہ اسحاق موقع پر دم توڑ گیا جبکہ دیگر زخمیوں کو اسپتال منتقل کیا گیا جہاں 18 سالہ عظیم اور 60 سالہ نامعلوم خاتون جاں بحق ہو گئے، واقعے کے مزید 3 زخمی اسپتال میں زیر علاج ہیں۔
پولیس کا کہنا تھا کہ غباروں کی ٹینکی کے مالک کے خلاف کارروائی کی جائے گی جبکہ واقعے کے تمام پہلوؤں پر تفتیش کی جائے گی۔
