آپ آف لائن ہیں
ہفتہ8؍ صفر المظفّر 1442ھ 26؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پالتو کتے کی شرارت سے گھر میں آتشزدگی


شارٹ سرکٹ یا گیس لیکج کی وجہ سے گھروں یا کچن میں حادثاتی طور پر آگ لگنے کے واقعات تو ہم اکثر سنتے رہتے ہیں مگر حال ہی میں برطانیہ میں ایک آگ لگنے کا ایک ایسا انوکھا واقعہ پیش آیا جس کہ وجہ پالتو کتا بنا۔

غیر ملکی خبر رساں ادارے کے مطابق برطانیہ میں ایسکس کاؤنٹی فائر اینڈ ریسکیو سروس نے بتایا کہ انہیں اسٹینفورڈ لی ہوپ نامی شخص کے گھر میں آگ لگنے کی اطلاع موصول ہوئی۔

فائر فائٹرز کا کہنا ہے کہ گھر میں جس وقت آگ لگی اس وقت گھر کا مالک موجود نہیں تھا لیکن ان کے گھر کے سیکیورٹی کیمرہ ان کے موبائل فون ایپ سے کنیکٹ تھا یہی وجہ تھی کہ انہوں نے فائر فائٹرز کو بروقت اطلاع دے دی۔

فائر فائٹرز نے انکشاف کیا کہ گھر کے کچن میں آگ اس وقت لگی جب گھر میں موجود پالتو کتے نے کچن کا مائیکروویو آن کر دیا اور اس کے اندر موجود ڈبل روٹی میں آگ بھڑک اٹھی۔

فائر اسٹیشن کے سربراہ نے بتایا کہ اس حادثے کی وجہ ایک کتا تھا یہ کافی حیران کن بات ہے۔

فائر فائٹر کے سربراہ نے لوگوں کو مشورہ دیا ہے کہ وہ کبھی بھی مائیکرو ویو کے اندر سامان نا رکھیں کیونکہ یہ حادثے کا سبب بنا سکتا ہے۔

دلچسپ و عجیب سے مزید