آپ آف لائن ہیں
جنگ ای پیپر
جمعرات27 ؍جمادی الاوّل 1441ھ 23؍جنوری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

روسی خواتین میں آکٹوپس یا شیطانی ہونٹ کا رواج مقبول

ماسکو(مانیٹرنگ ڈیسک) روس سمیت دنیا کے کئی ممالک کی خواتین میں اس وقت ہونٹوں کے لہردار کناروں کا فیشن چل پڑا ہے جسے آکٹوپس یا شیطانی ہونٹ بھی کہا جارہا ہے۔روسی خواتین اور لڑکیوں کی اکثریت انسٹا گرام اور دیگر پلیٹ فارم پر اپنے خمیدہ اور لہردار ہونٹوں کی تصاویر پوسٹ کررہی ہے۔ ان تصاویر پر لوگ ملے جلے ردِ عمل کا اظہار کررہے ہیں جس میں مبینہ طور پر ہونٹوں کے کنارے پر کسی میک اپ یا مٹیریل کو بھر کر لبوں کو خاص شکل دی جارہی ہے۔لیکن کوئی نہیں جانتا کہ اس عجیب و غریب میک اپ رجحان کی پشت پر کون ہے؟ تاہم بعض میک اپ ماہرین کہتے ہیں کہ روسی پلاسٹک سرجن ایمیلیان براؤڈے نے یہ فیشن شروع کیا ہے ، بعض پلاسٹک سرجن نے اس رحجان کو نظر کا دھوکا بھی قرار دیا ہے۔ تاہم میک اپ کے ماہرین کا اصرار ہے کہ یہ ممکن ہے لیکن بہت ہی خطرناک عمل ہے کیونکہ اس کے لیے ہونٹوں میں انجیکشن کے ذریعے خاص میٹریل بھرکر ہی انہیں ایسی شکل دی جاسکتی ہے۔روس کی مشہور پلاسٹک سرجن کرسٹینا ولسینزکی نے کہا کہ ہونٹوں کے بنیادی خدوخال اس طرح تبدیل نہیں کیے جاسکتے۔ کرسٹینا کے مطابق اگر ٹیکے کے ذریعے ہونٹوں میں کوئی مٹیریل ڈالا جاتا ہے تو اس سے خون کی رگیں بند ہوسکتی ہیں اور اس سے متاثرہ حصہ ہمیشہ کے لیے مردہ ہوسکتا ہے، خون کی یہ رگیں لبوں کے کنارے پر موجود

ہوتی ہیں۔میک اپ آرٹسٹ کہتے ہیں کہ شاید یہ تمام تصاویر فوٹوشاپ کی گئی ہیں لیکن اتنی حقیقی لگتی ہیں کہ خواتین اسے اصل سمجھ کر ہونٹوں میں فلنگ کرارہی ہیں۔ اس سے قبل خواتین نے ہونٹوں کو موٹا اور بھرا ہوا دکھانے کے لیے انجیکشن لگائے تھے جس کا فیشن آیا اور اب خاتمے کے قریب ہے۔آن لائن تبصرہ نگاروں نے بھی اس رجحان کو خوفناک قرار دیا ہے تاہم بعض پلاسٹک سرجن کا اعتراف ہے کہ ہونٹوں کو ایسی شکل میں ڈھالنے کے لیے پلاسٹک سرجری کے کئی مراحل درکار ہوں گے۔

دل لگی سے مزید