• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ن لیگ عوام کی مشکلات کے حل کیلئے آواز اٹھاتی رہیگی، شہباز شریف

آج کا اخبار
یورپ سے
02 جنوری ، 2020
لندن (صباح نیوز) مسلم لیگ ن کے اہم رہنمائوں نے لندن میں پارٹی صدر شہباز شریف سے ملاقات کی اور ملکی سیاسی معاملات پر لائحہ عمل کے لئے رہنمائی مانگ لی۔ شہباز شریف نے کہا کہ پارٹی عوام کی مشکلات کے حل کے لئے آواز اٹھاتی رہے گی۔ بدھ کو شہباز شریف سے لندن میں مسلم لیگ (ن) کے مرکزی ڈپٹی سیکرٹری جنرل عطا تارڑ،مسلم لیگ(ن) پنجاب کی ترجمان عظمیٰ بخاری، سمیع اللہ خان سمیت دیگر پارٹی رہنمائوں نے ملاقات کی جس میں پاکستان کے سیاسی اور ملکی معاملات پر بات چیت کی گئی۔ اس موقع پر پارٹی رہنمائوں نے آئندہ لائحہ عمل کے لئے شہباز شریف سے متعدد امور پر رہنمائی حاصل کی۔ ملاقات میں نیب کی کارروائیاں بھی زیر غور آئیں۔
تازہ ترین