آپ آف لائن ہیں
جمعرات13؍ صفر المظفّر 1442ھ یکم اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بنگلہ دیش کرکٹ ٹیم تین مرحلوں میں دورہ پاکستان پر راضی

بنگلہ دیش کرکٹ ٹیم تین مرحلوں میں دورہ پاکستان پر راضی 


کراچی (اسٹاف رپورٹر) بنگلہ دیش پاکستان میں کرکٹ کھیلنے پر راضی ہوگیا، آئی سی سی ہیڈکوارٹرز دبئی میں دونوں ممالک کے کرکٹ بورڈ سربراہان احسان مانی اور نظم الحسن کی ملاقات میں سیریز کے شیڈول کو حتمی شکل دے دی گئی، معاہدہ طے پاگیا، بنگلہ دیشی ٹیم 2 ٹیسٹ، ایک ون ڈے اور 3 ٹی ٹوئنٹی سیریز مرحلہ وار کھلے گی۔ انٹرنیشنل کرکٹ کونسل کے چیئرمین ششانک منوہر نے سیریز کے شیڈول کو حتمی شکل دینے میں معاون کا کردار ادا کیا۔ سیریز میں 3 ٹی ٹوئنٹی اور ایک ون ڈے کے ساتھ 2 ٹیسٹ شامل بھی ہوں گے۔ تینوں ٹی ٹوئنٹی میچز لاہور میں کھیلے جائیں گے۔ راولپنڈی ایک ٹیسٹ میچ کی میزبانی کرے گا جبکہ ایک ٹیسٹ اور سیریز کا واحد ون ڈے کراچی میں کھیلا جائے گا۔

اہم خبریں سے مزید