کراچی (نیوز ڈیسک)وزیراعظم عمران خان نے عہدہ سنبھالنے کے بعدصرف 16ماہ میں 11ممالک کے 22غیر ملکی دورے کئے ۔ عمران خان نے سب سے زیادہ دورے سعودی عرب کے کئے جن کی تعداد 6ہے۔
انہوں نے متحدہ عرب امارات اور چین کے تین تین دورے کئے ۔ وزیراعظم بننے کے بعد انہوں نےستمبر 2018ء میں سب سے پہلا دورہ سعودی عرب کا کیا ۔
اس دوران انہوں نےسعودی شاہ سلمان سے ملاقات کی اور عمرہ کی ادائیگی بھی کی ۔ سعودی عرب نے عمران خان کے دورے کے بعد پاکستان کی معاشی مشکلات سے نمٹنے کیلئے 3ارب امریکی ڈالر دیے ۔
اس کے بعد عمران خان نےاگلے ہی ماہ یعنی 18نومبر کو متحدہ عرب امارات کادورہ کیا
جہاں انہوں نے شیخ محمد بن زید النیہان سے ملاقات کی ۔ اس موقع پر امارات نے بھی پاکستان کو 3ارب ڈالر امداد دینے کا وعدہ کیا ۔