آپ آف لائن ہیں
اتوار9؍صفر المظفّر 1442ھ 27؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

اقرا نے اپنی پرانی جیکٹ یاسر کو دے دی

یاسر اور اقرا نے خرچے کم کرنے کا فیصلہ کرلیا


معروف اداکارہ اقرا عزیز حسین نے اپنی پُرانی جیکٹ اپنے شوہر یاسر حسین کو دے دی۔

گزشتہ روز پاکستان شوبز انڈسٹری سے تعلق رکھنے والے معروف اداکار یاسرحسین نے سماجی رابطے کی ویب سائٹ انسٹاگرام پر ایک ویڈیو شیئر کی جس میں اُن کے ساتھ اُن کی اہلیہ اقرا عزیز حسین بھی ہیں۔


یاسر حسین کی جانب سے شیئر کی جانے والی ویڈیو میں اُنہوں نے اقرا کی جیکٹ پہنی ہوئی ہے، ویڈیو میں اقرا جیسے ہی موبائل کا کیمرہ یاسر کی طرف کرتی ہیں تو یاسر کہتے ہیں کہ ’اقرا نے نئی ہُوڈی لے لی ہے اِسی وجہ سے اقرا نے اپنی پرانی جیکٹ مجھے دے دی ہے۔‘

یاسر حسین نے ویڈیو کے کیپشن میں لکھا کہ ’ہم پیسے بلکل ضائع نہیں کر رہے ہیں بلکہ ہم سوچ رہے ہیں کہ آئندہ زندگی میں خرچے کم اور خیرات زیادہ کریں گے۔‘

اُنہوں نے اپنے مداحوں کو بھی ایسا سوچنے کے بارے میں کہا کہ ’آپ لوگ بھی ایسے ہی سوچیں اور جو لوگ پہلے سے ہی ایسا سوچ رہے ہیں وہ دوسروں کو بھی سوچنے میں مدد کریں۔‘

اُنہوں نے اپنی پوسٹ کے کیپشن میں ہیش ٹیگ انسانیت بازی بھی استعمال کیا۔

یاسر کی اِس پوسٹ پر اداکار منیب بٹ نے کمنٹ کرتے ہوئے لکھا کہ ’بہت اچھی سوچ، میرے دوست اللّہ آپ کو اِس کا اجر دے۔‘

یاسر حسین کی اِس سوچ پر اُن کے مداحو ں نے اُن کو سِراہا۔

حرا نامی صارف نے لکھا کہ ’اللّہ آپ کے لیے یہ راستہ آسان کرے کیونکہ وہ اپنی محبت کے لیے کسی کسی کو ہی چُنتا ہے اور بے شک اُس سے محبت کا تقاضہ ہے کہ اُس کے بندوں سے محبت کی جائے۔‘

آمنہ نامی صارف نے لکھا کہ ’ماشااللّہ بہت اچھے خیالات ہیں اللّہ ہم سب کو بھی عمل کرنے کی توفیق دے۔‘


انٹرٹینمنٹ سے مزید