آپ آف لائن ہیں
جنگ ای پیپر
ہفتہ27؍جمادی الثانی 1441ھ 22؍ فروری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

پی ایس ایل فائیو کے ٹکٹوں کی آن لائن بکنگ شروع

پی ایس ایل فائیو کے ٹکٹوں کی آن لائن بکنگ شروع


پاکستان سپر لیگ (پی ایس ایل) کے پانچویں ایڈیشن کے ٹکٹوں کی آن لائن بکنگ شروع ہوگئی، مختص سینٹرز پر ٹکٹیں 28 جنوری سے دستیاب ہوں گے۔

پاکستان سپر لیگ ایڈیشن فائیو 20 فروری سے 22 مارچ تک پاکستان کے چار شہروں میں کھیلا جارہا ہے۔

یہ بھی پڑھیے: جنگ گروپ، کوئٹہ گلیڈی ایٹرز کا میڈیا پارٹنر

پی ایس ایل فائیو کے پہلے مرحلے میں آن لائن بکنگ پیر کی رات آٹھ بجے شروع ہوگئی، جس کا کوٹہ 20 فیصد ہے، 80 فیصد ٹکٹس ملک بھر کے 38 سینٹرز پر دستیاب ہوں گے، جن کی فروخت 28 جنوری سے شروع ہوگی۔ ایک شناختی کارڈ پر سات ٹکٹ خریدے جاسکیں گے۔

پی ایس ایل فائیو کے ٹکٹوں کی آن لائن بکنگ شروع
پاکستان سپر لیگ 2020 کے ٹکٹس کی پرائس لسٹ

20 فروری کو پی ایس ایل کی کراچی میں افتتاحی تقریب ہوگی اور پہلا میچ کھیلا جائے گا۔ اس کے ٹکٹس ایک ہزار سے 6 ہزار روپے میں دستیاب ہوں گے۔

22 مارچ کو لاہور میں کھیلے جانے والے فائنل کے ٹکٹس 500 سے 5 ہزار روپے میں دستیاب ہوں گے۔

یہ بھی پڑھیے: پاکستان سپر لیگ 2020 کا مکمل شیڈول

17 مارچ کو کراچی میں کھیلے جانے والے کوالیفائر کے ٹکٹس 5 سو سے 4 ہزار جبکہ لاہور میں 18 اور 20 مارچ کو ہونے والے ایلی منیٹرز کے ٹکٹس 5 سو سے 4 ہزار روپے میں ملیں گے، اس کے علاوہ 10 میچوں کے ٹکٹس 250 روپے میں بھی دستیاب ہوں گے۔

کچھ میچوں کے ٹکٹس 5 سو سے 4 ہزار جبکہ زیادہ تر میچوں کے ٹکٹس 5 سو سے 3 ہزار روپے تک کے ہیں۔

کھیلوں کی خبریں سے مزید