انسانی چہرے سے مشابہ بکری کی پیدائش

بھارتی ریاست راجستھان کے گاؤں میں ایک عجیب الخلقت بکری کے بچے کی پیدائش ہوئی ہے ، یہ نایاب بکری کا بچہ انسانی چہرے کا حامل ہے۔

مقامی لوگوں کے مطابق اس گاؤں میں ایک ایسی بکری کی پیدائش ہوئی ہے جسے دیکھ کر تمام لوگ حیران ہوگئے کیونکہ اس کا چہرہ چپٹا اور آنکھیں انسانوں کی آنکھوں کی طرح ہیں جس کی وجہ سے گاؤں کے لوگ اسے خدا کی طرف سے بھیجی جانے والی دیوتا سمجھ رہے ہیں۔

بکری کے مالک کا کہنا تھا کہ ‘میں انسانی چہرے والے بکری کے بچے کو دیکھ کر حیران رہ گیا، اس کا چہرہ انسانوں کی طرح سیدھا اور آنکھیں بھی سامنے کی جانب ہیں۔

انہوں نے کہا کہ گاؤں کے کچھ رہائشی ان کی بکری کو خدا کی طرف سے بھیجے جانے والی دیوتا سمجھ کر اس کی پوجا کر رہے ہیں۔

انسانی چہرے کے حامل بکری کے بچے کی ویڈیو سوشل میڈیا پر شیئر ہوئی تو دیکھتے ہی دیکھتے وائرل ہوگئی۔

انسانی چہرے سے مشابہ مچھلی کی سوشل میڈیا پر دھوم

جنوبی چین کی ایک جھیل میں انسانی چہرے سے مشابہت...

جانوروں کے ماہرین کا کہنا ہے کہ مذکورہ جانور کو سائیکلوپیا نامی کوئی جینیاتی بیماری ہے جس کے باعث اس کا چہرہ انسان نما ہے اور یہ بیماری 16 ہزار جانوروں میں صرف ایک کو ہوتی ہے اور ایسا ہی انسانوں میں بھی ہوتا ہے۔