اسلام آ باد (نیوز رپورٹر) نئے چیف الیکشن کمشنر راجہ جلا ل سکندر سلطان بطور بیورو کریٹ دسمبر 2019میں مدت ملازمت پوری کرکے ریٹائر ہوئے۔ وہ 15ویں کامن کے افسر تھے۔ ان کا تعلق پا کستان ایڈمنسٹریٹو سروس ( ڈی ایم جی ) سے تھا۔ ان کی آخری پوسٹنگ بطور سیکر ٹری ریلوے تھی،وہ اس سے قبل سیکرٹری پٹرولیم ڈویژن بھی رہے ہیں ۔ وہ ڈی جی پا سپورٹ اینڈامیگریشن کے عہدے پر بھی فائز رہے ہیں ۔ وہ چیف سیکرٹری گلگت بلتستان ،چیف سیکرٹری آ زاد جموں و کشمیر، پنجاب حکومت میں ایڈیشنل چیف سیکر ٹری ، سیکرٹری سروسز اور سیکرٹری مواصلات و تعمیرات بھی رہے ہیں۔ سی ایس ایس امتحان پاس کرنے کے بعد انکی پہلی تعیناتی بطور اسسٹنٹ کمشنر اسلام آ باد تھی۔ وہ یکم دسمبر 1959کو بھیرہ ضلع سرگودھا میں پیدا ہوئے، چار جون 1987 کو سروس جوائن کی۔ ان کا شمار دھیمے مزاج کے قابل اوردیانتدارافسروں میں ہوتا ہے۔