آپ آف لائن ہیں
جنگ ای پیپر
بدھ یکم رجب المرجب 1441ھ 26؍ فروری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

فاطمہ ثریا بجیا کی چوتھی برسی


معروف ادیبہ اور ناول نگارفاطمہ ثریا بجیا کو مداحوں سے  بچھڑے4 برس بیت گئے۔

مشہور رائٹر انور مقصود کی ہمشیرہ فاطمہ 1930میں بھارت کے شہر حیدر آباد میں پیدا ہوئیں اور تقسیمِ ہند کے بعد پاکستان منتقل ہو گئیں۔

فاطمہ ادبی دنیا کا روشن ستارہ تھیں جن کی لا زوال خدمات ناقابلِ فراموش ہیں۔ فاطمہ نے ریڈیو اور ٹیلی ویڑن کیلئے لا تعداد ڈرامے تحریرکئے اور اداکاری کے جوہر بھی دکھائے۔

فاطمہ ثریا بجیا کے مشہور ڈراموں میں عروسہ، شمع، آبگینے، افشاں اور سسی پنوں سمیت اَن گنت ڈرامے قابلِ ذکر ہیں۔

حکومتِ پاکستان کی جانب سے فاطمہ کوان کی ادبی خدمات کے اعتراف میں1997 میں تمغہ حسنِ کارکردگی سے نوازا گیا جبکہ 2012میں فاطمہ کوہلالِ امتیاز بھی دیا گیا۔

صرف یہی نہیں بلکہ فاطمہ نے جاپان سمیت کئی بین الاقوامی اعزازات بھی حاصل کئے۔

اردو ادب کایہ چمکتا ستارہ طویل علالت کے بعد 10فروری 2016کو بجھ گیا تاہم اس کی روشنی رہتی دنیا تک قائم رہے گی۔

انٹرٹینمنٹ سے مزید